No mes de decembro
so tivemos unha reunión pero traballamos por comisións.
Temos entre mans a
asemblea ordinaria do mes de xaneiro á que todos estades convidados o xoves 16
ás 17:30 na biblioteca pública Antonio Odriozola de Pontevedra.
Tarefas de peche do
exercicio 2013, tamén en marcha, Toño está coa Memoria, Ruth, Elvira e Pepa
coas contas, e Javier e Isa coa organización do arquivo definitivo e libro de
socios. Que presentaremos na asemblea.
Os acordos coa
Deputación están en marcha, xa temos fotocopias á nosa disposición, un dos
nosos socios vai a recollelas.
O 19 de decembro
inauguramos a exposición fotográfica prioridade 1: Pobreza e Exclusión Social
da EAPN-Galicia, que pode visitarse ate o día 7 deste mes.
Continuaremos coas
reunión na Gradicela e tamén en Amarante.
Neste mes despediuse
das súas responsabilidades de secretario Rafa, agradecemos o importante
traballo que fixo durante case ano e medio, redactando e axudándonos a tirar
nos momentos mais difíciles. Na asemblea veremos quen pode substituílo, polo
momento Isabel e Pepa irán repartíndose o seu traballo.
Seguimos contando
contigo para o proxecto Recicla, e esperamos seguir gozando da túa presenza
como ate agora.
No hay comentarios:
Publicar un comentario