Custa traballo non indignarse con
declaracións coma as do ministro de facenda. Dicía que a recuperación económica
está en marcha e que vamos asombrar ao mundo nos próximos anos. Nós creemos que
levamos asombrando e asombrándonos xa una boa tempada; pero por motivos ben
distintos; aínda que despois das indemnizacións en diferido xa imos tendo
callo. Realmente non é bo que nos acostumemos a cousas coma estas, por iso
iniciamos o proxecto radio.
Pretendemos dar a nosa visión do por qué
da exclusión social, sen pseudoperiodistas que se dediquen a defender
intereses ben definidos, pois iso xa o temos na maioría das canles públicas e
privadas. Contamos coa colaboración de AGARESO e a máxima será a sinceridade e
a obxectividade. A pesar da pouca formación académica, contamos coa liberdade
de non ter que seguir unha liña editorial concreta. Falaremos da pobreza e a
exclusión, causas e efectos económicos e socioculturais que a producen
etc. Dicía un compañeiro que a defensa dos dereitos sociais, a sanidade pública
ou a educación gratuita é una carreira de fondo. Ten razón; pero esa carreira
estámola perdendo. É importante, antes de indignarse, localizar aos
responsables da difícil situación que atravesamos e despois votar en
consecuencia.
Plataforma de ONg de acción social. Sacan
unha convocatoria de subvencións d que chaman “Fondo noruego”
Estamos preparando a solicitude dunha
subvención do fondo noruego. Estará dedicada á cidadanía activa e participación
das persoas en situación de exclusión. Este proxecto está liderado por Pepa
(Traballadora social voluntaria de Boa Vida). Os demais aportaremos o que
poidamos. Estamos buscando socios para o proxecto, por iso mantivemos una
xuntanza con Cáritas interparroquial de Pontevedra. Non lles interesou
colaborar, aínda que non sabemos moi ben por qué. Tivemos a impresión de que
sentiron que invadíamos a súa parcela, ou tal vez que cuestionábamos o seu
traballo.
Ben, o proxecto vai sobre participación
dos pobres, algo que lles incomoda a moitas organizacións. Nós seguimos
adiante.
En setembro incorporáronse á asociación
varias persoas de Pontevedra e un grupo de Vilagarcía. Están moi interesados no
proxecto radio, algo que nos anima a todos.
Tamén prepararmos o 17 de outubro, e
iniciamos a colaboración con exalumnas de comunicación e publicidade que están
preparando un documental sobre pobreza e exclusión, varios de nós gravamos
testemuñas e o 17 sairán con nós á rúa.
No hay comentarios:
Publicar un comentario