Gacetilla de Maio

Gacetilla Maio 2013

Tivemos catro reunións en maio; aínda que a participación nas mesmas foi moi escasa. A pouca asistencia é debida a causas diversas. Imos ver que ocorre o mes que ven; pero pensamos que unha asociación de catro non ten moito sentido.

Temos problemas para atraer novos socios e iso que pobres non faltan. Tal vez non hai suficiente cultura asociativa ou simplemente non soubemos atraer á xente; aínda que é un feito constatado que as clases mais desfavorecidas teñen mais dificultades para participar en proxectos onde non hai un beneficio económico instantáneo. É un problema de educación.

Este mes estivemos preparando a participación no encontro do 8 de xuño da EAPN. Ao final os que vaiamos poderemos escoitar as verbas do valedor do pobo. Algúns dirán que pode ser un bo somnífero; pero igual nos sorprende. Podería ser interesante saber que fixo con respecto á estafa das preferentes de Novagalicia. Si amigos, a situación é tan dura e a corrupción tanta, que para demasiada xente o discurso repleto de datos dun político conservador pode non ser moi apetecible.

Por outra banda a compañeira Ruth vai estar de dinamizadora de grupo. É unha experiencia nova para ela. Pensamos que vai ser unha bo aprendizaxe.

Da iniciativa de facer arquivadores de cartón, aínda non a temos totalmente valorada, soamente dúas participantes, tiraron da iniciativa con ganas, para o verán veremos se podemos rematalos e levalos á venda o domingo na praza da verdura que hai mercado libre de antigüidades e o que se queira.

Seguimos co grupo de axuda mútua de monteporreiro. Falamos para 30 persoas da Parroquia e en xullo teremos o ultimo tema que despois do autocoñecemento e autoestima pasaremos a xestión do pouco diñeiro que temos.

Saúde.

Equipo Boa Vida.

Gacetilla abril

Está en trámite parlamentario nova lei RISGA, que se chamará Lei de Inclusión. Engade flexibilidade laboral aos perceptores desta pensión. Iremos vendo que outros cambios ten e como se van aplicando.

 Actividade do grupo:

- Vimos de presentar as fotos para o concurso fotográfico sobre pobreza que promove a EAPN. O premio é material fotográfico por valor de 300€. Xa avisaremos do resultado. 

- Somos a organización anfitriona do grupo de Participación que se reunirá en Rexurdir o día 10 de maio. Estamos nerviosos esperamos que se atopen agusto.

 

- Fixemos un importante esforzo indo a Vigo, a atoparnos con Emaús Vigo. Recibiunos Montse e Juncal. Sufriron un ERE e están bastante limitados. En materia de colaboración non concretamos nada; pero puxemos as bases para futuros proxectos.

- Nós tamén estamos tendo problemas. O grupo está de baixón e as reunións son menos numerosas. Pasa nas mellores familias. Moitas veces as persoas que mais axuda precisan son as que menos a solicitan, e nós en algunhas cuestións somos especialmente vulnerables. Das dúas reunións coas institucións de Pontevedra (Concello e Deputación), temos poucos resultados, o Concello (concelleira de Benestar Social) non nos contestou a petición de locais para reunirnos, co cal a reunión para pouco serviu, temos confianza en que non viramos o correo como nos pasou coa segunda petición de entrevista. Da Deputación (Deputada de Servizos Sociais) si que temos resposta temos que facerlles unha proposta sobre apoio para fotocopias e aula de informática, iremos informando.

A pesar das dificultades, empezamos un obradoiro de arquivadores de cartón, sen mais que boa intención e copiando un deseño doutro fomos capaces de inicialo e facer 2 arquivadores e os modelos nunha hora, non está mal para ser inempleables. Incorporáronse a este obradoiro dúas persoas novas.

Tamén apoiamos unha compañeira que tiña un problema de desconto da súa pensión por unha mala información dos funcionarios que lle deixaron presentar mal un recurso e que neste momento temos compromiso telefónico de que lle van devolver os cartos porque foi un error, cando recibamos a comunicación por escrito festexarémolo.

Seguiremos facendo camiño.

Eventos aos que asistimos, xa sabedes que normalmente non imos a nada pero pouco apouco imos "integrándonos".

- Boa Vida estivo na charla da renda básica das iguais. Este acto foi organizado pola Asociación en Pé. Vimos unha película e despois mantivemos un debate sobre o tema. Pepa, membro de Encontro e voluntaria en Boa Vida dirixiu o coloquio. Explicou algúns capítulos da renda básica que tanta falta fai. Falouse da financiamento, distribución etc.

- Tamén estivemos na charla sobre vivenda organizada pola concellería de SS.SS. de Pontevedra. A maxistrada invitada, resumindo moito, veu a dicir, que no caso dos desafiuzamentos os xuíces están obrigados a aplicar as leis vixentes, e con eses “mimbres”, poucos cestos se poden facer.

Sobre a intervención do xefe de area do instituto de vivenda e solo, quedounos a sensación de que aínda que funciona ben, a súa labor é claramente insuficiente, dada a situación social e o escaso orzamento que manexan.

- Fomos a un obradoiro sobre Moeda Social, que organizou AMARANTE, un economista e un socio dunha cooperativa integral explicaron como se pode organizar outra economía, mais solidaria. Eran de Zamora e xa están intercambiando alimentos e servizos, en Barcelona tamén levan 2 anos coa experiencia e teñen incluso un centro de saúde, falla fan experiencias que dean ánimos. E a un curso de preformance de dous días.

- Película sobre Grecia, e a débeda, oi organizada polo partido ecosocialista. Describíanse as causas e efectos da crise. Quedou bastante claro que o neoliberalismo a ultranza é o responsable da difícil situación que atravesa o país. A corrupción campa ás súas anchas a tódolos niveis da administración, e o FMI, o banco mundial, xunto coas multinacionais son o motor dos desequilibrios que está a sufrir a poboación. Por non falar das penalidades que pasa a cidadanía. Chove sobre mollado e nós imos polo mesmo camiño.

Un saúdo. Equipo Boa Vida. 

Gacetilla marzo 2013

 

Seguimos con xuntanzas semanais en diferentes locais que nos prestan. Sobre a conveniencia de dispoñer de local propio estivemos debatendo fai pouco e decidimos seguir como ate agora. Do Plan de Traballo deste ano nos próximos meses abordaremos, da área informativa. Organización programa radio, da area educativa: Grupo de axuda mutua e conversa en inglés, e da Laboral: Recolledores de boñigas de can e visita Emaus Vigo. Tamén obradoiro de fotografía da EAPN en Pontevedra. Fixemos un novo contrato para os prestamos aos socios.                             Foto equipo, faltan Lito, Toño, e Rafa,

Entrevista con Carmen Fouces.

Concelleira de SS.SS do Concello de Pontevedra.

A mediados de mes mantivemos unha reunión na concellería de SS.SS. Demandamos cláusulas sociais nos contratos empresa Concello e parece que os servizos xurídicos do Concello atopan problemas para aplicar ditas cláusulas. Ademais disto plantexámoslle  o tema das hortas urbanas, a axuda coas fotocopias…. En definitiva falámoslle de colaboración e axuda. Igual nos equivocamos; pero a impresión que temos é de que imos ter que seguir intentando facerlle entender que os nosos son proxectos importantes.Acudiron á reunión Lito, Mª Lo, Pepa, Saadia e Ruth. Esperamos a súa resposta ás peticións mais concretas que non son posibles na Deputación, (local para reunións puntuais).

Entrevista con Marta Iglesias.

Deputada de SS.SS Deputación de Pontevedra.

Recibiunos puntualmente, a deputada, e despois de presentarnos expuxémoslle os proxectos que temos. Mostrouse moi receptiva no que ao seu departamento se refire. Seguiremos en contacto para ir concretando colaboracións. Enviarémoslle dúas propostas unha sobre fotocopias e outra sobre uso da aula informática. Tamén nos facilitou mais contactos interesantes.

É importante non deixar de solicitar axuda ou colaboración das institucións porque non debemos esquecer que os políticos están aí para abordar, xestionar ou resolver os problemas ou as necesidades da xente. É unha forma de comprometernos uns e outros.

Grupo de participación na EAPN

En marzo estivemos no grupo que prepara o encontro de participación cidadá que se vai celebrar no mes de xuño. Tivemos dúas reunións e falta unha terceira. O tema elixido son os dereitos fundamentais, xa sabedes, aqueles que se poden reclamar xudicialmente. A EAPN Galicia invitounos a participar na preparación deste evento e a nós pódenos servir de rodaxe. A nosa participación non se pode cualificar de decisiva; pero estamos aí. Próxima reunión en maio recibilos en Pontevedra.

Este mes continuamos manifestándonos en contra das políticas de recortes e privatización de todo o público. Fixémolo de forma individual e non como grupo debido ao traballo que tivemos ultimamente.

Tamén estamos a participar nas manifestacións relixiosas, que é o que toca nesta semana santa. Isto demostra a pluralidade que reina na asociación.

Despedímosvos ate finais de abril con mais novas. Un saúdo.     Equipo Boa Vida. 

Gacetilla febreiro

Este é o noso logo novo, dixitalizado para imprimir, na mesma liña,, un camiño uns remadores, unha luz..... a mesma 

Agradecemos a Virginia a idea e a Tino o debuxo inicial.

En febreiro tivemos tres asembleas extraordinarias. A segunda semana dedicámola a facer un curso de inciación á contabilidade. Agradecemos a Xosé Cuns a colaboración desinteresada. Aprendemos as claves para cadrar as contas e levar unha contabilidade clara, transparente e responsable. O curso pareceunos interesante e quedáronnos ganas de mais.

Solicitamos entrevista coa concelleira de Servizos Sociais do Concello de Pontevedra que nos recibirá no mes de marzo.

Continuamos co grupo de axuda mutua (GAM) en monteporreiro, quédannos dúas sesións e logo avaliaremos a actividade para ver se continuamos.

Fondo común.

Temos un fondo con algúns cartos procedentes das cotas dos socios, donacións e algunhas charlas nas que estivemos. Utilizámolo para sufragar gastos organizativos e administrativos, viaxes, etc. Este fondo creámolo tamén para que os socios poidamos solicitar un préstamo para facer fronte a calquera eventualidade particular. Puxémolo en practica fai pouco e aínda estamos facendo os axustes necesarios para o seu bo funcionamento.

Proxecto radio.

Coa finalidade de aprender e compartir experiencias, estamos estudando a posibilidade de participar nun programa da Radio Galega. Isto permitiríanos ser mais visibles; ao tempo que poderíamos colaborar con outras asociacións. Iremos informando dos avances neste eido.

Reivindicación e protestas.

Este mes, coma noutros anteriores, participamos en manifestacións en contra dos recortes nos servizos públicos; pois estes, repercuten negativamente sobre todo nas clases mais desfavorecidas.

Este goberno privatiza o público rendible e nacionaliza os bancos con problemas. Mal negocio para a cidadanía. Hai un desacougo xeneralizado na poboación, e a escandalosa corrupción institucional xenera mais crispación se cabe.

Un saúdo a todos.

Equipo Boa Vida.

Gacetilla e curso contabilidade

O día 7 temos curso, apuntense!!

En xaneiro continuamos coas reunións semanais. O día 23 celebramos a

asemblea xeral anual. Presentamos as contas e repasamos as actividades

feitas ao longo do ano. Cambiamos a xunta directiva e debatimos o plan

de traballo para os próximos 3 meses.

En marzo estaremos en Bruselas no foro de pobreza e participación. A

EAPN invitou a unha compañeira que xa estivo no mesmo foro que se

celebrou en Oporto. Tal vez por iso a invitación foi dirixida a esta

compañeira en concreto; pero ate agora, sempre foi o grupo o que

decidiu quen nos representaba en calquera tipo de evento, e non temos

intención de cambiar isto.

Estamos buscando fontes de financiación para levar a cabo os proxectos

para o 2013. Temos algunhas ideas que iremos desenrolando. Estamos un

pouco atascados e algunha vez podemos pensar que a reunión non serviu

de nada. Non é certo, se fora fácil, faríao calquera. Ademais este

camiño non só se fai andando, convén parar, descansar e reanudar a

marcha.

Este mes solicitamos unha entrevista coa concelleira de S.S. para

tratar entre outras cousas as claúsulas sociais nos contratos entre

empresa-Concello. Agardamos resposta.

Grupo de axuda mutua: En xaneiro tratamos o consumo e o consumismo.

Falamos dos dereitos do consumidor e o control cando mercamos. Falar

destas cousas axuda a entender os motivos que nos levan ás veces a

consumir calquera producto. Chegamos á conclusión de que as modas, o

sentirnos aceptados ou o mero placer é o que nos move algunhas veces a

consumir cousas que non precisamos. En fin, despois de todo o sistema

aliméntase do consumo e nós formamos parte del. O importante é

controlar nós os nosos actos.

Resumen asamblea 2013

Además de la noticia que apareció en la prensa queremos dejar constancia de nuestra impresión de la asamblea. En general fue buena, ya que pudimos presentar nuestras actividades y planificar el 2013, cosa que ya es un éxito, teniendo en cuenta que nuestra corta y dificil vida está llena de dificultades, tres compañeros dejaron la asociación y uno de ellos está de baja temporal, tuvimos también un ingreso hospitalario durante el 2012, pero también se incorporaron dos mujeres excepcionales una de ellas será la tesorera de aquí en adelante, también renovamos la presidenta y el secretario pero esto no tiene importancia para nosotros que trabajamos en equipo y asamblea permanente.

Teniamos un homenaje preparado para los que dejaron la asociación pero no vinieron, los hechamos de menos, en otra ocasión se lo daremos.

Sobre el presente y los próximos meses, os iremos contando, muchos planes, ganas de trabajar y de contribuir con nuestro grano de arena a que las personas exluidas y pobres tengan mas voz, y no solo sean vistas como necesitados a los que se les da algo y nada mas.

Asistimos al grupo de participación de la EAPN, esta vez en Lugo, daremos nuestra opinión y trabajaremos con directivos de organizaciones que en ocasiones son los que nos ayudan, cuestión impensable para nosotros.

Ofrecereemos un curso de contabilidad para asociaciones, y para marzo intentaremos ir a Navarra y a Vigo a seguir haciendo lazos con e proyecto Emaus que es nuestro referente, en cada GACETILLA os tendremos informados.

MUCHAS GRACIAS A LOS QUE CREEIS EN NOSOTROS.  Viva Boa Vida!!!

Si alguien nos pide las cuentas las pondremos en el blog, tenemos 187 euros!!, somos unos excelentes gestores.

Faro de Vigo- 24-1-2013- REDACCIÓN - PONTEVEDRA La asociación Boa Vida Inclusión Social Activa celebró ayer en la Biblioteca Pública de Pontevedra su primera asamblea ordinaria en la que los miembros de la institución, además de configurar la nueva junta directiva, perfilaron nuevas ideas y medidas de cara a este nuevo año.
Así pues, una de las iniciativas que la asociación pretende poner en marcha "como una posible opción de generar ingresos" es la creación de un recogedor de excremento de perros fabricado con materiales reciclables.
"Es un proyecto que tenemos. Nos hemos fijado que en Pontevedra hay muchas heces de perro por el suelo. Hemos realizado un diseño para, mediante cartones y plásticos, elaborar una herramienta para recogerlas de forma sencilla", apuntó Rafael Costa, uno de los portavoces de Boa Vida.
No obstante, el siguiente paso será que las diferentes tiendas especializadas se encarguen de distribuir este producto.
Por otra parte, "las actividades estrellas" del colectivo seguirán siendo la participación en seminarios intensivos de formación interna, así como la asistencia a conferencias en la EAPN (Red de lucha contra la pobreza). En este sentido, la asociación Boa Vida ha sido invitada a asistir al encuentro internacional que se celebrará en Bruselas el próximo mes de marzo.
Otra de las propuestas que se perfilaron durante la asamblea de ayer fue la de organizar un viaje a Navarra, donde existe una asociación similar que fomenta el autoempleo y que, previsiblemente, tendría lugar en marzo.
Cambio de directiva
Además de las diferentes propuestas expuestas, esta primera asamblea ordinaria ha servido para configurar la nueva junta directiva de la institución. Después de un año de funcionamiento y tras varias bajas, entre ellas las de la última presidenta, Virginia Ojea, los miembros del colectivo designaron ayer a Teresa Patiño como la nueva encargada de dirigir a la asociación.
A pesar de la corta vida de ésta, a lo largo de estos doce meses se celebraron más de 40 reuniones, una actividad que, según reconocen, hizo posible "que el grupo se cohesionara y pudiera superar dificultades personales, económicas y organizativas". En este sentido, el colectivo dispone de un fondo común para prestamos con el objetivo de hacer frente a cualquier necesidad imprevista de alguno de sus miembros.

Gacetilla decembro 2012

GACETILLA  DECEMBRO 2012

Ao longo deste ano fixemos actividades formativas, informativas e reivindicativas das que informamos no seu momento. Quedámonos con todo; pero hai que subliñar o respecto como unha das nosas máximas da vida asociativa que sempre procuramos manter en cada reunión. Partindo de aí, aprendemos que contrastar opinións despexar a mente fortalecéndoa.

Outro dos fins da asociación é o que chamamos desaprender, que significa substituír hábitos e costumes prexudiciais por outros que nos beneficien. Isto é importante non só a nivel asociativo, senón a nivel persoal, no tempo de lecer ou en calquera actividade da vida. Nalgúns casos ate fai pouco as nosas vidas tiñan demasiados capítulos amargos. Isto ímolo cambiando día a día froito do esforzo por desaprender que cada un vai facendo.

Este mes de decembro tivemos tres reunións. Nelas concluímos a memoria de actividades e cadramos as contas. Esta documentación enviámola á EAPN co fin de entrar a formar parte da súa rede. Estamos aceptados, agora toca TRABALLAR.Tamén mandamos aos socios a convocatoria da asemblea do 23 de xaneiro, xunto coa felicitación de Nadal.

O día 11 de decembro estivemos no encontro de voluntariado que se celebrou na Coruña. Presentamos a asociación e explicamos un pouco de onde vimos, que actividades facemos, como traballamos e qué proxectos temos. Hai que dicir que a preparación da exposición foi moi pouca por parte dos compañeiros. O medo a falar en público e algún problema técnico afectáronnos negativamente pero felicitáronnos polo noso traballo e asombráronse de que foramos capaces de facer tantas cousas.

Para o futuro seguiremos abordando os proxectos con ilusión; aínda que somos conscientes de que no 2013 os asuntos sociais van camiño de converterse en algo folclórico. Ao noso entender a tendencia é substituír dereitos por beneficencia. Nós creemos que nos agarda unha longa noite de pedra. Esta situación pódese superar con intelixencia, traballo e tesón. Aí estaremos.

Bo Nadal e Boa Vida.